Þekking á hreyfingu: Óbein þekkingaráhrif af opinberum nýsköpunarstyrkjum til fyrirtækja í gegnum hreyfanleika starfsfólks

Útdráttur

Stjórnvöld styðja víða við nýsköpun með opinberum nýsköpunarstyrkjum, en rannsóknir á slíkum stuðningi hafa að mestu beinst að beinum áhrifum á styrkþega. Tilgangur þessarar greinar er að auka skilning á því hvernig slíkir styrkir geta, við tilteknar aðstæður, haft óbein þekkingaráhrif í gegnum hreyfanleika starfsfólks. Greinin byggir á eigindlegri stakri tilviksrannsókn á Marorku, fyrirtæki sem hlaut endurtekna nýsköpunarstyrki á árunum 2000–2016, og hálfopnum viðtölum við fyrrverandi starfsfólk þess. Niðurstöðurnar benda til þess að endurteknir styrkir hafi stutt við áframhaldandi þróunarstarf og uppsöfnun þekkingar innan fyrirtækisins. Þegar starfsfólk færðist til annarra fyrirtækja virðist það einkum hafa flutt með sér almenna tækniog markaðsþekkingu, tengsl og reynslu af nýsköpunarstarfi, en sérhæfðari þekking virðist helst hafa nýst þegar ný fyrirtæki voru stofnuð í tengdu samhengi. Framlag greinarinnar felst þannig í að varpa ljósi á trúverðuga orsakakeðju þar sem nýsköpunarstyrkir styðja við þekkingarsköpun hjá styrkþega sem síðar getur skilað sér áfram með hreyfanleika starfsfólks og veitir innsýn í farveg óbeinna áhrifa sem hefur fengið takmarkaða athygli í fyrri rannsóknum á nýsköpunarstefnu stjórnvalda.