Sigurður Már Jónson: Icesave samningarnir, afleikur aldarinnar?

Útdráttur

Í umsögn gagnrýnanda kemur meðal annars eftirfarandi fram: Færa má sterk rök fyrir því að Icesave samningar þeir sem Svavar Gestsson kom með heim sumarið 2009, hafi vissulega verið afleikur, jafnvel afleikur aldarinnar. Það er hins vegar bagalegt að fyrsta tilraunin til að skoða hvort það sé rétt, skuli ekki betri en raun ber vitni. Hér er hvorki á ferðinni vönduð blaðamennska né vönduð fræðimennska. Of margar reglur beggja fagsviða eru brotnar. Ofurkapp höfundar á að undirbyggja niðurstöðu sem hann virðist hafa gefið sér fyrirfram rýrir mjög gildi verksins.