Sameiginlegt mat á umhverfisáhrifum

Útdráttur

Í greininni er fjallað um ákvæði um sameiginlegt mat á umhverfisáhrifum í 2. mgr. 5. gr. laga nr. 106/2000 um mat á umhverfisáhrifum. Meginmarkmið ákvæðisins er að upplýsa um heildaráhrif framkvæmda á umhverfið áður en ákvarðanir um þær eru teknar. Vegna álitaefna sem upp hafa komið í tengslum við framkvæmd ákvæðisins er í greininni leitast við að skýra tilurð þess og efni með hliðsjón af lögskýringargögnum, framkvæmd þess og reglum tilskipunar 85/337/EBE eins og hún hefur verið tekin upp í EES-samninginn. Í greininni er komist að þeirri niðurstöðu að skilyrði fyrir beitingu ákvæðisins hafi skýrst í framkvæmd. Framkvæmdin veki jafnframt spurningar um hvort ná megi markmiðum ákvæðisins jafn vel, með einfaldari leiðum sem samræmast tilskipun 85/337/EBE eins og hún hefur verið skýrð af framkvæmdastjórn Evrópusambandsins.