Eru endurskoðendur reiðubúnir fyrir sjálfbærniskýrslur?

Útdráttur

Þessi rannsókn kannar stöðu þekkingar íslenskra endurskoðenda fyrir innleiðingu sjálfbærniskýrslugerðar í ljósi nýrrar tilskipunar Evrópusambandsins (CSRD) og innleiðingu evrópsku sjálfbærniskýrslustaðla (ESRS). Í samstarfi við Félag löggiltra endurskoðenda var gerð könnun árið 2022, sem leiddi í ljós að íslenskir endurskoðendur voru ekki vel upplýstir um átta viðurkennda sjálfbærnistaðla. Niðurstöðurnar benda til takmarkaðrar reynslu endurskoðenda af sjálfbærniskýrslugerð, sem gæti kallað á frekari menntun og þjálfun fyrir innleiðingu. Með samanburði við niðurstöður frá Bandaríkjunum kemur í ljós að takmörkuð þekking endurskoðenda á sjálfbærniskýrslum og stöðlum er ekki einungis íslenskt fyrirbæri. Rannsóknin undirstrikar mikilvægi þekkingaryfirfærslu og stofnanafræðilegrar nálgunar til að tryggja að endurskoðendur verði betur í stakk búnir til að mæta nýjum kröfum.